સફળતાની વાર્તા: પૂનારામ

ભાગ્યની રમત વિચિત્ર હોય છે; એક જ પરિવારમાં પરિવારનાં પાંચ સભ્યોને ગુમાવવાની કરૂણાંતિકા એક  પરિવારમાટે મૃત્યુનાં નૃત્યનો સામનો કરવા જેવી હતી. જન્મથી અંધ બનેલા પૂનારામે જ્યારે તે માત્ર 6 મહિનાનો હતો ત્યારે માંદગીને કારણે તેના પિતાની ખોટનો સામનો કર્યો હતો. તે પછી, ચાર વર્ષ પહેલાં, હેમરેજને કારણે તેની માતાનું આકસ્મિક અવસાને એ દુઃખમાં વધારો કર્યો. દુઃખનો ભાર ત્યારે અસહ્ય બન્યો જ્યારે, માત્ર એક અઠવાડિયા પછી, તેમના મોટા ભાઈએ તેમની માતાનાં મૃત્યુનાં આઘાતમાં આત્મહત્યા કરી. દુ:ખની વાત એ છે કે, જન્મ આપ્યાના ચાર મહિના પછી જ નબળાઈને કારણે તેની ભાભીનું પણ અવસાન થયું.

આ હૃદયદ્રાવક વાર્તા આદિવાસી બહુલ કોટરા તાલુકાની પંચાયત ઉમરિયાનાં લોહારી ગામનાં પૂનારામ (10)ની છે, જે જન્મજાત દૃષ્ટિહીન બાળક છે. તેના માતા-પિતા, ભાઈ અને ભાભીનાં અવસાન પછી, જ્યારે પૂનરામ અને તેના ભાઈ-બહેનો પાસે વળવા માટે કોઈ નહોતું, ત્યારે પડોશી દંપતીએ તેમને ટેકો આપ્યો. જ્યારે ગામનાં સામાજિક કાર્યકર લીલા દેવીએ આ પરિવાર વિશે નારાયણ સેવા સંસ્થાનને જાણ કરી, ત્યારે સંસ્થાએ ઝડપથી કાર્યવાહી કરી. 27 એપ્રિલ, 2024ના રોજ, સંસ્થાનની ટીમ પૂનારામને ઉદયપુર લાવી અને તેને તબીબી તપાસ માટે જિલ્લા બાળ કલ્યાણ સમિતિ સીડબલ્યુસી(CWC) સમક્ષ રજૂ કર્યો. સીડબલ્યુસી(CWC)ના આદેશ પર, પૂનારામને સંસ્થાનની નિવાસી શાળામાં આશ્રય આપવામાં આવ્યો.                  

સંસ્થાનનાં ડાયરેક્ટર વંદના અગ્રવાલની દેખરેખ હેઠળ અને અલખ નયન મંદિર નેત્ર ચિકિત્સાાલય ખાતે ડૉ. લક્ષ્મણ સિંહ ઝાલાની હાજરીમાં પૂનારામની પૂરી તપાસ અને સારવાર કરવામાં આવી. ડૉ. ઝાલાએ સમજાવ્યું કે બાળક જન્મથી જ અંધ હતો, કુપોષણથી પીડાતો હતો અને લોહીની ઉણપને કારણે સર્જરી માટે અયોગ્ય હતો. એક મહિનાની પૂરી તબીબી પ્રક્રિયા પછી, 23 એપ્રિલ અને 30 એપ્રિલે બંને આંખો માટે સર્જરી કરવામાં આવી હતી. સર્જરી બાદ બાળકે પહેલીવાર દુનિયા જોઈ. પ્રકાશ મળતાં, બાળકે નારાયણ સેવા સંસ્થાન અને તબીબોનો આભાર વ્યક્ત કરતાં કહ્યું કે તે હવે બધું જોઈ શકશે અને પોતાની જાતે કામ કરી શકશે. પૂનારામની તબિયત હવે સારી છે, તે સંસ્થાનનીનિવાસી શાળામાં રહે છે અને તેનું શિક્ષણ ચાલુ રાખે છે.